Марий Элым вуйлатыше «Лӱдыкшыдымылык школ» Россий кӱкшытан 17-ше таҥасымаште сеҥыше- влак дене вашлийын

Марий Элым вуйлатыше «Лӱдыкшыдымылык школ» Россий кӱкшытан 17-ше таҥасымаште сеҥыше- влак дене вашлийын
         Марий Элым вуйлатыше «Лӱдыкшыдымылык школ» Россий кӱкшытан 17-ше таҥасымаште сеҥыше- влак дене вашлийын. «Лӱдыкшыдымылык школ» йоча да самырык- влакын Россий кӱкшытан мер толкынын пӱтынь историйыштыже икымше гана Марий Эл гыч вигак кок команде кугурак да изирак ийготан-влак тӱшкаште Юл кундем округышто абсолютный сеҥыше лийыныт. Юл кундемыште сеҥымеке ӱдыр- рвезе- влак округын чапшым Россий кӱкшытан 17-ше таҥасымаште араленыт да шӧртньӧ ден той медальым налыныт. Юрий Зайцев участник- влакым Марий Элын кугешнымашыже, мыланна тыгай сеҥымаш- влак моткоч кӱлыт манын каласен.
            «Роза ветров» йоча да самырык- влак рӱдерын кугурак методистше, «Лӱдыкшыдымылык школ» толкынын реионысо пӧлкажым вуйлатыше Александр Алафузов Регионым вуйлатышылан сборный командылан окса дене полшен шогымыжлан тауштен ойлен. Окса полышлан кӧра кӱлешан оборудованийым налме да участник- влакым чаплын ямдылаш полшен. Таҥасымаш икымше гыч 10-шо август марте Моско областьысе Ленин округын пожар да утарыше рӱдержын тунемме полигоныштыжо эртен. Таҥасымашке 8 федерал округ гыч 18 команде ушнен. Лу кече жапыште 11 гыч 17 ияш марте тунемше- влак теорий да практике моштымашыштым ончыктеныт. Программышке «Чарак полоса», «Комбинированный пожар эстафета», «Вийым кучылтман Комплексан упражнений», «Кросс эстафета, ик меҥгыш», «Кычал утарыме паша», «Илен лекме маршрут», «Пӱртӱсыштӧ илыме верым ыштымаш» дисциплине- влак пуреныт. Ӱдыр- рвезе- влак уло кумылын таҥасымаш, ончыкылык план нерген каласкаленыт. Марий Элым вуйлатыше кажне спортсменын кидкопажым кормыжталын да пырля фотосӱретым ыштеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски