Морко районышто тений вольык озанлык аланыште инвестиций проектым шыҥдараш тӱналыт

Морко районышто тений вольык озанлык аланыште инвестиций проектым шыҥдараш тӱналыт
          Морко районышто тений вольык озанлык аланыште инвестиций проектым шыҥдараш тӱналыт. Марий Элым вуйлатыше Районышто лиймыже годым «Передовик» ял озанлык производство кооперативыш миен. Предприятий 2027-ше ий марте 400 вуйлан вольык фермым чоҥаш шона. Проект почеш инвестицийын кугытшо 100 миллион теҥгеш шуэш, лу пашавер шочшаш. Вуйлатше машина трактор станцийым, пырчым коштымо верым, ушкал вӱтам, мардеж вакшым ончен, ял озанлык предприятийын пашаже дене палыме лийын. Предприятий шӧрым лӱштымӧ дене республикыште 6-шо верым айла. Кодшо ийын ик ушкаллан шотлымаште шӧр лӱштыш 579 килограммлан ешаралтын. Ӱдымӧ кумдык кодшо ийын вич тӱжемат 194 гектарыш шуын. Шым тӱжемат 300 тонн пырчым налме. Тидыже ончычсо ий дечын кок пачаш наре шуко. Кодшо ийын 16 миллион утла теҥгелан кум техникым налме, кугыжаныш полыш 11 миллион утла тенгеш шуын. Пырчым обрабатыватлыше технике ок сите. Адакшым ончыкыжым урлыкашым куштышо предприятийым ышташ шонена. Кормам шкалан шке ситарена да эше калыклан ужалена,- ойла озанлыкым вуйлатыше Юрий Игнатьев. Юрий Зайцев вуйлатыше- влак дене проектым шыҥдарыме йодышым каҥашен да вияҥмашым тыланен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски