Республикысе ик районышто Коҥга пайремым палемдат
Республикысе ик районышто Коҥга пайремым палемдат. Куженер районысо Старсела тӱвыра пӧртыштӧ эрла 14-ше февральыште тиде йӱлам эртарат. Коҥга пайремым марий калык акрет годсек палемда. Спорт-туризм министерствын увертарымыже почеш тиде пайремлан ончылгоч ямдылалташ тӱналыныт. Икмыняр кече ончычак суртышто арулыкым ышташ тӱҥалыныт, коҥгам ошемденыт, тӱньыкым эрыктеныт. Пайрем кечын эрденак коҥгаш олтеныт, озавате- влак сийым ямдыленыт. Ӱстембаке команмелнам, шӱрашан мелнам, тыглай мелнам, пулашкамуным, салмамуным, когыльым, подкогыльым, туарам шындат. Оза- влак деке пайремыш уна- влак моло ялла гычат толыт. Коҥга пайрем пазар программыште йоча сӱрет, калык сий, мастер-класс, самодеятельный коллектив- влакын концертышт лийшаш. Пайрем 11 шагатлан тӱҥалеш.
