Советский районышто лӱмын эртарыме сар операцийын участникше- влаклан блиндажлык сортам ямдыленыт
Советский районышто лӱмын эртарыме сар операцийын участникше- влаклан блиндажлык сортам ямдыленыт. «Единый Россий» партийын верысе пӧлкажын тӱналтышыже почеш Самырык- влакын рӱдерышт гыч ӱдыр-рвезе- влакын полшымышт дене сортам ямдылыме шотышто мастар-классым эртарыме. Сортам ямдылаш улыжат консерве банке, картон, парафин ден шышыте кӱлеш. Но тиде проста ӱзгарат салтак- влакын илышыштышт моткоч кӱлешан. Тудо окоп ден блиндажыште волгыдым пуа, ыраш, кочаш шолташ, вургемым кошташат полша. Сортам ямдылымаште районым вуйлатыше Сергей Халтуринат участвоватлен. Ме уло вий дене салтак- влаклан полшаш шонена. Тиде изи гынат, ышташ лийме полыш. Тӱҥжӧ- спецоперацийыште улшо- влак пален шогышт: нунын верч тургыжланат, нунылан ӱшанат да мӧҥгыштӧ вучат.- каласен Сергей Халтурин. Районысо калыкат тӱҥалтышым уло кумылын поддержатлен, калай банкым кондат, тушкоо сорталан парафин да шыштым темат. Ик-кок арняште шӱдӧ утла сортам ямдылыме. Лишыл жапыште нуным гуманитар полыш дене пырля передовойыш колтат.
Фото: «Единый Российые» верысе пӧлкажын архивше
Фото: «Единый Российые» верысе пӧлкажын архивше
