Таче Марий Элым вуйлатыше Юрий Зайцев вияш эфирыште калыкын йодышыжо- влаклан вашештен
Таче Марий Элым вуйлатыше Юрий Зайцев вияш эфирыште калыкын йодышыжо- влаклан вашештен. Вашлиймаш ик шагатат 19 минут шуйнен. Тиде жапыште тудо Федераций Советыште Марий Элын кечыже- влак, республикын экономике шотышто пеҥгыдылыкше, Марий Эл ден Китай коклаште вашкыл, тӱшка транспорт, корным олмыктымаш, кундемлам тӱзландарымаш, врач деке логалме, туныктымо паша, школын ситыдымылыкше да шуко моло йодышлан вашештен шуктен. У йӧн семын калык деч пурышо видеойодыш- влак лийыныт. Но шуко йодышыжо вашмут деч посна кодын. Нуныжо 480 утла лийыныт. Республикысе ЦУР нуным профилян министерстве ден ведомствылаш вашмутым пуаш колташ лийын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
