Марий Элыште тенийсе эн сай школ столовый- влакым рашемденыт

Марий Элыште тенийсе эн сай школ столовый- влакым рашемденыт
             Марий Элыште тенийсе эн сай школ столовый- влакым рашемденыт. Кодшо кечылаште «Школысо эн сай кочмывер-
2023» Россий кӱкшытан конкурсын регионысо туржым иктешлыме. Тушко республикысе ола да ялла гыч 13 школ да кочмыверлан поварышт ушненыт. Конкурсышто кочкышын технологий картыже, фото да видеоматериал, повар- влакын «Кулинар шедевр» мӧҥгысӧ пашашт аклалтын. «Кулинар баттл» посна практик конкурсын очный йыжыҥышкыже Куженер, Медведево районла да Йошкар-Ола гыч кочкаш шолтышо ныл еҥ лектын. Таҥасымаш Торгово-технологий колледжыште эртен. Ик шагатат 30 минут жапыште шыл да саска кочкышым кок порций дене ямдылаш кӱлеш ыле. Кугу конкурс комиссийын решенийже почеш сеҥыше- влакым палемдыме. «Оласе школын эн сай кочмыверже» номинацийыште «Бауман лицей» сеҥышыш лектын. «Ялысе школын эн сай столовыйжо» номинацийыште Руш Шой школ икымше верым налын. «Школысо кочмыверын эн сай поварже» номинацийыште Бауман лицей гыч Светлана Пукемовам эн усталан шотлымо. Сеҥыше- влак мемнан республикын чапшым федерал турышто аралаш тӱҥалыт.
         Фото: Туныктыш министерстве.

Прошлые выпуски