Эрик Сапаев лӱмеш опера да балет театр икымше гана Российысе Большой театрын сценыштыже мастарлыкшым ончыкта

Эрик  Сапаев лӱмеш опера да балет театр икымше гана Российысе Большой театрын сценыштыже мастарлыкшым ончыкта
            Ага тылзын 30-шо кечынже Эрик  Сапаев лӱмеш опера да балет театр икымше гана Российысе Большой театрын сценыштыже мастарлыкшым ончыкта. Композитор Алексей Шорын опера да драме элементшым кучылтман «Хрусталь полат» балетше Эрик  Сапаев театрыште ятыр жап йодмаш дене пайдалана. Тудым ынде элнан тӱҥ театрыштыже Москосо ончышо- влакат ужыт. «Хрусталь полат» тыглай огыл спектакль. Тудо Мальтыште шочын, ик- кок гана Ереваныште ончыкталтын, вара Кремль полатыште, а 2021-ше ийыште  шергакан костюмжо да ойыртемалтше декорацийже- влак дене пырля Йошкар-Олаш куснен. Чапле постановкым ончышо- влак шарнат: уста балет да опера артист- влак дене пырля тяжеловоз имне, сонарзе пий да кидыш туныктымо кӧгӧрчен- влакат модыт. Нуным калык йӧратен шынден. Ынде Москваште ончыктат. Мыланна тиде кугу пиал,- каласен тӱвыра министр Константин Иванов. Марий балет эше ик ганат Большой театрыште выступатлен огыл. Таче кечылан чыла билетым ужален пытарыме. Тушко театр кугу состав дене кая- балет труппа деч посна Палантай лӱмеш колледжын хореографий пӧлкажым студентше, Бауман лицейын балет классыштыже тунемше- влак, йоча хор кая- чылаже 200 наре еҥ. Ныл йолан актёр- влак гына огыт мий. Нуным Москосо «коллегышт» алмаштат.
          Фото: Евгений Никифоров.

Прошлые выпуски