Марий Элыште Кугыжаныш Программылан кӧра кум ийыште 150 утла тӱшка кумдыкым тӱзландарыме

Марий Элыште Кугыжаныш Программылан кӧра кум ийыште 150 утла тӱшка кумдыкым тӱзландарыме
              Марий Элыште Кугыжаныш Программылан кӧра кум ийыште, кудывечылам шотлыде, 150 утла тӱшка кумдыкым- паркым, скверым тӱзландарыме. Российын вице-премьерже Марат Хуснуллин увертарен: Российын правительствыже элысе чыла регионыштат тений гыч «Илашлан инфраструктура» калыкле проектыш пуртымо «Оласе йӧнан кумдыкым ыштымаш» федерал программе кышкарыште тӱшка кумдыклам уэмдымаште чаткан тырша. Марий Элыште кум ий жапыште тиде кугыжаныш программылан кӧра 150 утла тӱшка кумдыкым шотыш кондымо. Российын чоҥымо комплексше ончылно оласе йӧнан кумдыкым ыштымаште кугу задаче шога. 2017-ше ий гыч тӱналын Россий мучко 9 тӱжем паркым тӱзландарыме. Марий Элыште ужар зоно- влакым тӱзландарыме чолга паша кая. Шукерте огыл Йошкар-Олаште Марий паркым почмо, Кӱртньӧ корно пашаеҥ- влакын скверыштым ыштыме, Тарханово паркым тӧрлымӧ, тиддеч ончыч Глезденёв скверым сӧрастарыме ыле. Моло олаштат паша шукталтеш. Ончыкылык кум ийлан эше 130 утла тыгай кумдыкым тӱзаташ палемдыме.
            Фото: Чоҥымаш министерстве.

Прошлые выпуски