Медведево посёлкышто у йочасад почылтын

Таче Медведево поселкышто «Семицветик» лӱман у йочасад почылтын. Тудо 320 икшывылан чоҥалтын.

Йочасадым почмаште Марий Элым вуйлатыше Александр Евстифеев лийын. Тудо палемден: «У йочасадыште кок ясле-группым почыт». Тиде увер изи йоча-влакын ача-аваштым чотак куандарен.  

Йочасад-влакым чоҥымо паша «Демографий» национальный проект почеш ышталтеш. Ӱмаште, мутлан, тиде проект полшымо дене школыш коштдымо икшыве-влаклан куд тыгай учрежденийым почыныт. Чумыр налмаште тушто тӱжемат 165 йочалан вер ышталтын.

Марий Элым вуйлатыше Александр Евстифеев ӱшандарен: Медведево районышто у йочасадым чоҥымо паша умбакыжат шуйна. Кызыт Медведевысе Чехов уремыште 100 веран садикым ышташ тӱҥалыныт. Эше тыгаяк йочасадым Руэм посёлкышто чоҥаш палемдат.

Прошлые выпуски