Марий Элыште лийшаш Федерал Сабантуй элысе 72 кундем гыч уна- влакым чумыра

Марий Элыште лийшаш Федерал Сабантуй элысе 72 кундем гыч уна- влакым чумыра
           Марий Элыште лийшаш Федерал Сабантуй элысе 72 кундем гыч уна- влакым чумыра. Марий Элым вуйлатыше Юрий Зайцевын виктарымыже почеш 24-ше Федерал Сабантуй пайремым ямдылыме да эртарен колтымо шотышто организационный комитетын заседанийже эртен. Тушто Татарстан Республикын премьер- министрже, татар- влакын тӱнямбал конгрессыштын Калыкле Советшым вуйлатыше Василь Шайхразиев участвоватлен. Пайремын тӱҥ мероприятийже- влак 5-6-шо июльышто Медведево ипподромышто эртат. Ончылгоч шотлымо почеш Марий Элыш элысе 72 регион гыч 500 утла делегат толшаш. Татарстанын премьер-министржын алмаштышыже, Федерал Сабантуйым ямдылымылан тауштен. Тудо каласен: тыгай ямдылалтмашым ме шукертсек ужын огынал. Тиде моло субъект- влаклан сай пример. Ынде мероприятийым достойно эртарен колташ гына кодеш. Тек тудо Марий Элын да Российын историйыштыже шуко жаплан шарнымашеш кодеш. Федерал Сабантуй- тиде событийым ончыктышо мероприятий. Тудым Марий Эл уло эллан ончыкта.- каласен Василь Шайхразиев. Кызыт Сабантуйлан верым тӱзландарыме. Инфраструктурым ямдылыме, мероприятий планым ыштыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски