Татьяна Денисовалан СВО-што вуйжым пыштыше эргыжын «Мужество» орденжым пуэныт

Татьяна Денисовалан СВО-што вуйжым пыштыше эргыжын «Мужество» орденжым пуэныт
              Марий Элын сулло артисткыже Татьяна Денисовалан СВО-што вуйжым пыштыше эргыжын «Мужество» орденжым пуэныт. Рӱдӧ ола администрацийыште ӱмыр лугыч лийше боец- влакын ешыштлан наградыштым пуымо торжественный церемоний лийын. Боевой задачым шуктымо годым лӱддымылыкым да патырлыкым ончыктымыштлан ӱмыр лугыч лиймеке Мужестве орден дене 8 еҥым наградитлыме. Нунын коклаште Марий Элын сулло артисткыже Татьяна Денисован эргыжат уло. Иван Денисов шорт-трек дене Российын спорт мастерже лийын. Тудо Марий Эл верч выступатлен. Профессионал спорт карьерым мучашлымеке тренерлан пашам ыштен. Кодшо ийын октябрьыште 28 ияш спортсмен СВО кундемыште вуйжым пыштен. Мужество орден- тиде мыйын уныкам- влаклан шарнымаш. Кугеммекышт ачашт могай герой лийме нерген каласкалаш тӱҥалам. Жап эмла маныт. Уке ок эмле. Шӱм эре коршта, неле, тушто яра вер лийын. Мый эре эргым дене кугешненам да кугешнем,- каласен Татьяна Денисова.
           Фото: «Марийская правда», Татьяна Денисова.

Прошлые выпуски