Йошкар-Олалан 440 ий теммым пайремлымаш оласе 30 утла площадкыште эрта
Йошкар-Олалан 440 ий теммым пайремлымаш оласе 30 утла площадкыште эрта. Пайремлыме программын проектшым ямдылыме. Тудым вич ужашлан пайлыме. Тушко инфраструктура да событий мероприятий- влак пурат. Тӱвыра да тӱшка мероприятийже 30 утла площадкыште лиеш. Сувенирым, модышым ужалыме объект- влак лийыт, тӱшкан кочмо предприятий- влак пашам ыштат. Йӱлаш пурышо мероприятий деч посна у фестиваль- влак лийыт: «Куштылго еҥ- влак» шар дене чоҥештымаш, «Марий калыкын легендыже» пушеҥге гыч пӱчкедымаш, «Йошка еш» гастроном фесиваль, Изи Какшаныште вейкбординг дене таҥасымаш, ретро-автомобиль фестиваль да молат. Тидын нерген пайремым эртарыме шотышто совещанийыште ойлымо. Погынымашым правительстве вуйлатышын алмаштышыже, тӱвыра министр Константин Иванов эртарен.
Фото: Павел Стариков.
Фото: Павел Стариков.
