«Журавушка» рӱдерыште кеҥежымсе икымше сменым торжественно почмо
«Журавушка» рӱдерыште кеҥежымсе икымше сменым торжественно почмо. Кеҥежын икымше кечынже Йочам аралыме Тӱҥямбал кече палемдалтеш. Лач тиде кечын каныме сменым почмо. Пайрем линейкыште Марий Элым вуйлатыше Юрий Зайцев погынышо- влакым саламлен да рӱдерлан уремысе батутым пӧлеклен. Паша да социал аралтыш министр Марина Островская тыгак йоча- влакым пайремышт дене саламлен. Сменым почмаш пеш веселан эртен. Икымше кеҥеж сменыште 170 йоча лиеш. Тушечын 111-тыже спецоперацийыште кредалше- влакын икшывышт улыт. Кеҥеж мучко куд смене лийшаш, тушто неле илыш йыжыҥыште улшо да ЛНР, ДНР да Запорожье гыч экстренно тӱшкан кондымо тӱжемат 20 йоча каналта.
Фото: Паша да социал аралтыш министерстве.
Фото: Паша да социал аралтыш министерстве.
