Марий Элым вуйлатыше Йошкар-Олаште «Движение первых» дене пырля «Марий кеҥеж» фестивальым почын
Марий Элым вуйлатыше Йошкар-Олаште «Движение первых» дене пырля «Марий кеҥеж» фестивальым почын. Тӱвыра да каныш паркыш самырык участник- влакым саламлаш Марий Элым вуйлатыше Юрий Зайцев миен. Таче тендан пайремда- йочам аралыме кече. Ме кугыеҥ- влак эре тендан велыште улына. тыланда йӧсӧ, кумылда волен, йокрокланеда гын, ача-авада, воспиталь да туныктышыда- влак эре полшаш толаш да пайремым ышташ ямде улыт. Мый тендам саламлем. Ӱжмыланда пеш куаненам. Кугу, таза да шочмо элдам йӧратыше лийын кушса, - каласен Юрий Зайцев. Вара тудо паркын аллейже мучко эртен. Тушто йоча- влакын шке кид дене ыштыме сату- влакым ончыктымо социал ярминга тӱҥалын, вара мастар-классым ончыктымо площадкылаште лийын, аттракцион- влакым ончен. Фестиваль олаштат, районлаштат кеҥеж мучко шуйна. Чыла площадкыжат йоча- влаклан каникул жапым пайдалын эртараш, «Движение первых» толкынын паша корныжо да миссийже дене палыме лияш полша.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
