Йошкар-Олаште Перинатал рӱдерын акушер да физиологий корпусшым капитально олмыктен пытарыме

Йошкар-Олаште Перинатал рӱдерын акушер да физиологий корпусшым капитально олмыктен пытарыме
           Йошкар-Олаште Перинатал рӱдерын акушер да физиологий корпусшым капитально олмыктен пытарыме. Посна душевоян ик-кум веран йӧнан палате- влак, у оборудований, мебель, мӧҥгӧ колтымо йӧнан комнате- чыла тидыже Россий Президентын полшымыжлан кӧра лийын кертын. Кодшо ийын Юрий Зайцев перинатал рӱдерын тошто зданийжым олмыкташ Президент Владимир Путин деч полшаш йодын ыле. Молан манаш гын, объект шуко оксам йодеш. Тиддеч ончыч Перинатал рӱдерын кӱкшӧ технологиян корпусшым чоҥымо ыле. Ынде азам ыштыме пӧлкам акушер да физиологий пӧлкаш савыраш кӱлешлык лектын. Ик тылзе дечат шагалрак жап гыч оксам ойырымо, пашам тӱҥалме. Корпусым капитально олмыкташ 332 миллион теҥгем колтымо. Тушечын 264 миллионжо- федерал окса. Шошым паша мучашлалтын. Зданийым капитально олмыктымаш моло помещенийымат санитар йодмаш дене келшышым ышташ полшен. Мебельым налаш республике 16 миллион наре теҥге оксам ойырен. Теҥгече Марий Элым вуйлатыше Юрий Зайцев уэмдыме корпусым ончен лектын, медперсонал дене мутланен. Тудлан шуктымо паша чыла велымат келшен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски