Марий университетын студентше Вузын да Республикын чапшым Россий кӱкшытан таҥасымашыште арален
Марий университетын юридический факультетыштыже тунемше Михаил Липатников вузын да республикын чапшым Россий кӱкшытан таҥасымашыште арален. Чебоксарыште йол дене начар, уданрак ужшо да уш-акыл дене мӧнгештше куштылго атлет- влакын пырля эртарыме таҥасымашышт лийын. Тушко 50 кундем гыч 600 наре спортсмен погынен. Михаил Липатников йол дене начар- влак коклаште вигак 100 да 200 метрыш куржталмаште ойыртемалтын, кок ший медальым сеҥен налын. Кодшо ийын тудо Россий чемпионатыште той призёр лийын ыле.
