Пайдаланыдыме сад участке- влакым шотлен лукмо
Ял озанлык министерствыште сад-пакча ушем- влакым вуйлатыше-шамыч дене черетан совещаний эртен. Тушто сад да пакча-пашам вияҥдыме нерген ойлымо. Совещанийын пашаштыже ял озанлык, пӱртӱс поянлык министерствылан еҥышт, район администраций, Росреестр, Роспотребнадзор, электросеть компаний, «Благоустройство» регионысо операторын еҥышт лийыныт. Ик эн тӱҥ йодышыжо сад ушем- влаклан ойырымо да кучылталтдыме мландылан инвентаризацийым ыштыме да оборотыш пӧртылтымӧ нерген лийын. Тиде паша шукталтеш манын палемдыме. Садовод- влак ушемым вуйлатыше Геннадий Петрушинын мутшо почеш, республикыште 59 тӱжем сад участке уло. Тушечын 19 тӱжемже дене огыт пайдалане. Нуным пӧртылтымӧ шотышто паша Медведево районышто «Изумруд», «Энергетик», «Цветочный», «Аэрофлотовец», «Семья» сад ушем- влак дене пырля сайын шукталтеш. Шӱкшакым шупшыктышо «Благоустройство» регионысо операторын еҥже палемден: 97 товариществе гыч 51-ыже дене шӱкшакым шупшыкташ ойпидышым ыштыме. Тыгак садовод да сад товариществе-влаклан электроэнергийлан акым иземдыме нерген ойлымо. Погынышо- влак умбакыжат пырля ваш умылен пашам ышташ кутырен келшеныт.
