Моско гыч Марий Элын кураторжым вашлияш ямдылалтыт

Моско гыч Марий Элын кураторжым вашлияш ямдылалтыт
Марий Элым вуйлатыше Александр Евстифеев Россий Федерацийын чоҥымаш, илыме вер да коммунал озанлык министрже Владимир Якушевын вуйлатыме делегацийым вашлияш ямдылалтме шотышто совещанийым эртарен. Россий минстрой вуйлатышын толмыж деч вара Россий правительствын распоряженийже лекшаш. Тушто Марий Элым социально- экономически вияҥдыме черетан йыжыҥ да тӱҥ корно- влак ончыкталтшаш улыт. Александр Евстифеев палемден: республикыш иканаште 14 федерал ведомствын еҥже- влак толыт. Тыгай эше иканат лийын огыл. Ме республикым вияҥдаш улшо куатнам ончыктышаш улына да республикым вашкерак вияҥдыме планыш пуртышаш регионысо проект- влакым шыҥдараш полышым вучена. Сандене Александр Евстифеев ыштыме паша нерген увертараш йодын. Александр Сальниковын мутшо почеш Йошкар- Олаште вигак икмыняр площадкыште стратегий сессий- влак эрташ тӱҥалыт. Нуно экономике, ял озанлыкым писын вияҥдымаш, илыме кумдык, социал сфера, калыкын илыш кӱкшытшӧ корныла дене лийыт. Мутлан, Экономике сессийыште инвестиций, транспорт-логистик комплексым вияҥдыме, электроэнергийлан акым иземдымаш, Килемар ден Юрино районлашке газым пуртымо йодыш- влак лийыт. Вес площадкыште ял озанлыкым вияҥдыме нерген ойлаш тӱналыт. Стратегий сессийыште калыкын илышыжым куштылемдыме, пашадарым кӱзыктымӧ, илыме верым саемдыме да моло йодыш- влак лийыт. Моло площадкыштат эн кӱлешан йодыш- влак каҥашалтыт. Кажныштыже каҥашыме лектыш почеш, нуным регионым вияҥдыме индивидуальный программыш пуртымо лиеш.

Прошлые выпуски