Александр Евстифеев паша дене Волжск олаш миен

Александр Евстифеев паша дене Волжск олаш миен. Эн ончыч тудо Чапаев уремысе аварийный коллекторын ужашыжым ончен. Кок арня ончыч тудым олмыкташ Правительствын резерв фондшо гыч 8 миллион утла теҥге оксам ойырымо ыле. Республикым вуйлатыше тудым олмыктымо пашам терген. Кызыт тушто аварий вер гыч тулышо кок насосым вераҥдыме. Тиде участке воктенак олан рӱдышкыжо вӱдым пуышо пуч верланен. Сандене рок умбакыже порвола гын, вӱдпучланат эҥгекым конден кертеш ыле. Сандене Республикым вуйлатыше тудым вигак шке контрольышкыжо налын. Тиде коллекторым 1993-шо ийыште чоҥымо. 27 ий жапыште тудӧ пӱтынек шолдырген. Ӱмаште ме тыгак ик участкыште канализаций сетьым олмыктышна. Тиде- весе. Сандене олаште магистраль канализаций сетьым тичмаш олмыкташ кӱлеш. Тидлан лишыл жапыште проект да смета документацийым ямдылыман. Тыгаяк паша Козьмодемьянскыште шукталтеш. Пашаште нелылыкым оласе депутат- влакын начар пашаштат луктеш. Ик ий шуйна- олан мэржым пеҥгыдемдыме огыл. Республикым вуйлатыше тыгак Волжск оласе 5-ше школыш миен. Тушто школын кокымшо черетше чоҥалтеш. Тудыжо 336 верлан келыштаралтын. Объектым 86 процентлан шуктымо. Кызыт воктелсе кумдыкыш асфальтым шарат, кӧргӧ пӧлемлаште отделка паша кая, оборудованийым келыштарат. Да мебельым вераҥдат. Сентябрь мучашлан пашам шуктышаш улыт. Республикым вуйлатыше пашан качествыжлан тӱҥ верым ойыраш кӱштен.

Прошлые выпуски