Муниципал образованийлаште «Увер дене палдарыме кече- влак» эрташ тӱналыт
Республикысе муниципал образованийлаште «Увер дене палдарыме кече- влак» эрташ тӱналыт. Кече- влак калыклан муниципал образованийын социал- экономик илышыже, шыҥдарыме проект нерген каласкалат, писын виктарен колтышаш пӱсын шогышо йодыш- влакым нӧлталыт. Тыгай увер вашлиймаш- влак умылыдымашым шагалемдат, кучем ден калык коклаште раш мутланымашым эртараш полшат. Нуно вуйлатыше- влаклан гына огыл, калыкланат кӱлыт. Кече- влакым эртарымеке иквереш погынаш, улшо йодыш- влакым пырля каҥашаш темлыме. Погынышо уверым правительствын еҥже- влаклан пуаш кӱлеш манын каласыме. Молан манаш гын, кучем кӱкшытыштӧ виктарышаш йодыш- влакат улыт, - каласен Юрий Зайцев муниципал обарзованийлам вуйлатыше- влак дене эратрыме совещанийыште.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
