Начар тазалыкан - влакын чемпионатышт почылтеш
21-ше октябрьыште республикыштына начар тазалыкан да инвалид- влакын профессионал мастарлыкышт шотышто «Абилимпикс» нылымше Региональный чемпионат почылтеш. Таҥасымаш 21-ше гыч 23-шо октябрь марте ныл площадкыште очно лиеш, но ончышо- влак деч посна. Технологий, политехник, медицина, строительно-промышленный техникум ден колледжлаште 14 гыч 65 ияш марте начар тазалыкан- влак «Школьник», «Студент» да «Специалист» категорийлаште таҥасат. Нунылан 21 компетенций темлалтеш. Тений 150 участник, 105 эксперт да 130 волонтёр лийшаш улыт.
