Россий Президентын администрацийжым вуйлатышын алмаштышыже Дмитрий Козак видеоконференций йӧн дене калыклан приёмым эртарен
Россий Президентын администрацийжым вуйлатышын алмаштышыже Дмитрий Козак видеоконференций йӧн дене калыклан приёмым эртарен. Тушто Марий Эл гыч ӱдырамашын обращенийжымат ончымо. Мероприятийыште полномочный представительын алмаштышыже Олег МАшковцев, Марий Эл правительстве председательын икымше алмаштышыже Александр Сальников лийыныт. Марий Эл гыч ӱдырамаш Элым вуйлатышын приёмныйышкыжо Советский районысо Голубой посёлко деке наҥгайыше автомобиль корным олмыкташ полшаш йодын. Александр Сальников Дмитрий Козаклан увертарен: корно чынжымак начар. Олмыктымо пашалан оксам республикысе корно фонд ойыра. Подрядчикым ойырымо аукцион да контарктым ыштымаш июнь мучашлан шукталташ улыт. Олмыктымо паша икымше сентябрь марте мучашлалтшаш. Полномочный представительын аппаратше тиде йодышым контрольыш налын.
