Судышто сӧрасаш полшышо- влаклан эҥерташ лиеш
Российысе Верховный Судын Пленумжын пунчалже почеш судышто сӧрасаш полшышо- влакын (судебный примиритель) спискыштым пеҥгыдемдыме. Марий Элыште тыгай еҥлан отставкысе судья- влак Александр Рыбаков ден Галина Ширковам палемдыме. 2019-ше ий 1-ше октябрь гыч ӱчашымашке шушо- влак сӧрасаш полшышо- влакым кучылт кертыт. Тиде у йӧным кодшо ийын 26-шо июль гыч пуртымо. У правил почеш судышто сӧрасаш полшаш лӱмын палемдыме еҥ- отставкысе судья участвоватлен кертеш. Тудо кок велжыланат келшыше лектышыш шуаш, кок могыржынат интересыштым шотыш налын, конфликтым пытараш полшышаш.
