Памар селаште уэмдыме Сеҥымаш паркым почмо

Памар селаште уэмдыме Сеҥымаш паркым почмо
Волжский районысо Памар селаште «Оласе йӧнан илыме кумдыкым ыштымаш» проект кышкарыште Сеҥымаш паркым пужен ыштыме. Тудо Мир уремысе Ошкуп ер воктене верланен. Тымарте тушто тыгыде пушеҥге, кушкыл кушкын гын, ынде чыла вашталтын. Паркын рӱдышкыжӧ кум йолгорно намия, иктыже ончымо площадкыш луктеш. Поснак триптих семын ыштыме мемориал ансамбль кумылым савыра. Тудо сеҥыше воин, тылыште тыршыше да сар жапысе йоча- влаклан пӧлеклалтын. Паркым торжественно почмашке республикысе кугыжаныш пого министр Наталья Севостьянова, районысо да верысе администрацийын еҥышт, тылыште тыршыше да ветеран, сар жапысе йоча- влак миеныт. Уна-влак чолга ен- влаклан тиде пашам тӱҥалмыштлан тауштен ойленыт да тиде вер элнан эрыкше верч кредалше кугурак тукымым шарныктыш семын куандараш тӱҥалеш манын каласеныт.

Прошлые выпуски