Российыште талукын тунемшыжым ойыраш тӱналыт
Российыште талукын тунемшыжым ойыраш тӱналыт. «Йоча да самырык- влакын пашашт шотышто регион- влак кокласе рӱдер» коммерцийдыме автоном организаций, тудым эше «Росдетство» маныт, «Талукын тунемшыже- 2019» калыкле конкурсыш ушнаш йодмаш- влакым налаш тӱналын. Тушко 9-ше-11-ше класслаште тунемше- влак пурталтыт. Нуным тунеммаште, спортышто, усталык пашаште, мер пашаште шумо кӱкшытыштым аклен, налаш тӱналыт. Йодмашым 27-ше октябрь марте пуаш лиеш. Кажне номинацийыште сеҥышылан шӱдӧ тӱжем теҥге премий пуалтеш.
