Памар селаште калыкле проект почеш тӱвыра пӧртым олмыктеныт
Памар селаште калыкле проект почеш тӱвыра пӧртым олмыктеныт. Капитально олмыктымо деч вара тудым почмо. Зданийым 1977-ше ийыште чоҥымо. «Тӱвыра» калыкле проектлан кӧра тудо кокымшо шӱлышым налын. Марий Элым вуйлатыше Волжский районыш паша дене мийымыже годым тӱвыра тӧнежым капитально олмыктымо качествыжым аклен. Правительстве председательын алмаштышыже- тӱвыра министр Константин Иванов леведышым олмыктымо, 20 окнам вашталтыме нерген каласкален. Кабинетла ден хореографий классыште кӱварым вашталтыме, штукатуркым ыштыме, пырдыжым чиялтыме, тувырашым ачалыме. Тиддеч посна пурымо верым, тошкалтыш- влакым, сантехник пӧлемлам олмыктымо. Капитально олмыкташлан шым миллион утла теҥгем кучылтмо. Ончымо залыште 300 вер уло, куштымо класс, спорт зал, костюмерный- влак улыт. Чылаже ныл тӱжем наре еҥым обслуживатла. Республикыште 2019-ше ий годсек калыкле проект почеш ялласе 15 тӱвыра рӱдерым олмыктымо. Тений идалык мучаш марте эше ныл тӱвыра пӧртым олмыктен шуктымо лиеш.
Фото: Тӱвыра министерстве.
Фото: Тӱвыра министерстве.
