Республикысе тазалыкаралтышын первичный звеножым модернизироватлаш 12 миллиард утла теҥге окса кӱлеш
Республикысе тазалыкаралтышын первичный звеножым модернизироватлаш 12 миллиард утла теҥге окса кӱлеш. Марий Элыште тазалыкаралтышын первичный звеножым 2026-шо- 2030-шо ийлаште уэмдыме регионысо программе ышталтеш. Тидлан кӧра тазалыкаралтыш министерстве первичный звенолан инвентаризацийым эртарен, зданий- влакын могайрак улмыштым , медоборудованийын да автотранспортын ситымыжым шымлен. Анализ ончыктен: 2026-шо- 2030-шо ийлаште инфраструктурым чоҥаш да улшо олмеш блочно-модульный конструкций- влакым кучылтын, объект- влакым ышташ кӱлмым, копитально олмыкташ, у медицина оборудованийым, автомобиль транспортым, куснылшо медицина комплекслам налаш кӱлмым палемден. Тидлан 12 миллиард утла теҥге кӱлеш лиеш. 2030-шо ий марте ныл утла миллиард теҥгелан шым объектым чоҥаш кӱлеш: кум ФАП-ым, ик врач амбулаторийым да кум поликлиникым. Кумло кум объектым погаш блочно-модулян конструкций- влакым налаш палемдыме: улшо аварийныйжым вашталташ 32-ым да ик у ФАП-ым Медведево районысо Шоя-Кузнецово ялыште ышташлан. 2030-шо ий марте 113 объектым капитально олмыкташ кӱлеш: 40 процентлан шолдыргышо поликлиниклам, ФАП-лам, врач амбулаторийлам. Тиде жапыште тыгак 133 медицина оборудованийым ик миллиардат 400 миллион теҥгелан да 61 автомобильым 161 миллион теҥгелан налман. Тиддеч посна изи ялласе калыклан медицина полышым пуашлан 19 куснылшо медицина комплекс кӱлеш: шымытше тоштым вашталташ да 12-шо - у.
Фото: Марий Элым вуйлатышын администрацийжын увер дене пашам ыштыше пӧлкаже (архив).
Фото: Марий Элым вуйлатышын администрацийжын увер дене пашам ыштыше пӧлкаже (архив).
