Республикысе кум ола йӧнан кумдыкым ыштыме шотышто Россий конкурсышто сеҥышыш лектын
Республикысе кум ола оласе йӧнан кумдыкым ыштыме шотышто эн сай проект- влаклан Россий кӱкшытан конкурсышто сеҥышыш лектын. Тиде- Волжск, Звенигово да Козьмодемьянск. Нине ола- влак федерал бюджет гыч проектлам шыҥдараш 231 миллион теҥге кугыжаныш полышым налыт. 24-ше гыч 26-шо август марте Калуга олаште «Изи ола ден историй шотан илем- влакым вияҥдымаш» Россий кӱкшытан форум эртен. Тудын пленар заседанийыштыже индешымше конкурсышто сеҥыше- влакым увертарыме. Заседанийыште Россий Правительстве председатель Михаил Мишустин ден чоҥымаш да ЖКХ министр Ирек Файзуллин участвоватленыт.
Марий Эл конкурсыш кум йодмашым колтен. Волжск ола «Ре-парк: у этнотӱвыра рӱдер» проектым колтен. Тудо куд гектар кумдыкан тӱвыра паркым олмыктымылан пӧлеклалтын. Звенигово олан проектше «Звеиигово олан тазалык аллейже» маналтеш. Тудо «Водник» стадион воктене 2,7 гектар чодырам тӱзландараш палемда. Козьмодемьянск ола «Тошто Чыкман уремлаже» проектым пуэн. Пужен ышташ темлыме кумдык Горбунцов паркым, оласе эҥер серым, Лихачёв уремым авалта. Тушто кок гектарат пеле кумдыкышто тоштер да художественный школ- влак верланеныт. Проект почеш скверым ышташ шонат. Марий Элым вуйлатыше Юрий Зайцев палемден: Республике конкурсыш ушнаш тӱналме годсек, процессыште чолган тырша да чыла проектым шыҥдарымаште сеҥымаш- влакым ончыкта. 2018-ше ий годсек Марий Эл сеҥыше куд проектым илышыш шыҥдарен.
Фото: Марий Элым вуйлатышын администрацийжын увер дене пашам ыштыше пӧлкаже.
Марий Эл конкурсыш кум йодмашым колтен. Волжск ола «Ре-парк: у этнотӱвыра рӱдер» проектым колтен. Тудо куд гектар кумдыкан тӱвыра паркым олмыктымылан пӧлеклалтын. Звенигово олан проектше «Звеиигово олан тазалык аллейже» маналтеш. Тудо «Водник» стадион воктене 2,7 гектар чодырам тӱзландараш палемда. Козьмодемьянск ола «Тошто Чыкман уремлаже» проектым пуэн. Пужен ышташ темлыме кумдык Горбунцов паркым, оласе эҥер серым, Лихачёв уремым авалта. Тушто кок гектарат пеле кумдыкышто тоштер да художественный школ- влак верланеныт. Проект почеш скверым ышташ шонат. Марий Элым вуйлатыше Юрий Зайцев палемден: Республике конкурсыш ушнаш тӱналме годсек, процессыште чолган тырша да чыла проектым шыҥдарымаште сеҥымаш- влакым ончыкта. 2018-ше ий годсек Марий Эл сеҥыше куд проектым илышыш шыҥдарен.
Фото: Марий Элым вуйлатышын администрацийжын увер дене пашам ыштыше пӧлкаже.
