Йошкар-Ола мэрийыште Семёновка селаште скверым ыштыме йодышым каҥашеныт
Йошкар-Ола мэрийыште Семёновка селаште скверым ыштыме йодышым каҥашеныт. Вашлиймашыште ола мэрын алмаштышыже- влак Сергей Мухортов ден Алексей Игитов, архитектура да олам чоҥымо виктемым вуйлатыше Ольга Лаптева. Олимпий резерв училищын директоржо Наталья Беткузина, подряд организацийын еҥже- влак лийыныт. Подрядчик кызыт верысе калыкын темлымашыжым шотыш налын проектым, сметым ямдыла. Шонымо почеш у каныме верым кум йыжыҥ дене ышташ тӱҥалыт. Икымше йыжыҥже муниципал окса да Писте аллейым кораҥдымылан чоҥышо деч налме окса кӱшеш ышталтеш. Кокымшо йыжыҥыште проектым Марий Элын грантшылан колтат, Кумшышто- 2025-ше ийлан федерал программыш пурташ шонат. Кызыт ончыкылык сквер кундемым эрыктеныт, шӱк-куштырам луктыныт, верысе калык дене субботникым эртареныт. Кокымшо йыжыҥыш ушнашлан 15-ше сентябрь марте 500 кидпалым погаш кӱлеш,- увертара мэрий.
Фото: Йошкар-Ола мэрий.
Фото: Йошкар-Ола мэрий.
