Йошкар-Олаш Урал федерал округышто Россий Президентын полномочный представительже Владимир Якушев толын
Теҥгече Йошкар-Олаш Урал федерал округышто Россий Президентын полномочный представительже Владимир Якушев толын. Тудо Марий Элым вуйлатыше Юрий Зайцев дене пырля «Восточный» микрорайонышто у школын тунемме ийым тӱналаш ямде улмыжым онченыт. Тушто тӱжемат 120 йоча тунемаш тӱналеш, 32 классым келыштарыме. Школ мероприятий ден концерт- влак тыгак уремысе амфитеатрыштат эртаралташ тӱналыт. Владимир Якушев палемден: Президентын кӱштымыжӧ почеш школым чоҥымаш да капитально олмыктымаш паша калык программын тӱҥ корныжо. Просвещений министерстве дене пырля пашан чыла йыжыҥжат тергалтеш. Кажне объектлан посна депутатым пеҥгыдемдыме. Нуно ача-ава- влакын штабышт дене пырля пашам ыштат. У школым чоҥымым Марий Элым вуйлатыше шке терген шоген. Школым чоҥаш да оборудований дене пойдараш ик миллиардат 200 миллион теҥгем кучылтмо. Ончылно эше кум школ ямде лийшаш. Тиде- Руэм посёлкышто да концессий почеш нӧлтымӧ кок школ.- каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
