Йошкар-Олаште Российын Геройжо 233 еҥым утарымыже нерген каласкала
Йошкар-Олаште Российын Геройжо 233 еҥым утарымыже нерген каласкала. Рӱдӧ олашкына Российын Геройжо Дамир Юсупов толеш. Тыште тудо «Герой- влак мемнан коклаште: шке историй гоч патриотизм нерген» лекцийым эртара. 2019-ше ийын августышто «Урал авиалинийын» Дамир Юсуповын вуйлатыше «Эйрбас А 321-211» самолётшо Моско гыч Симферопольыш чоҥештен. Чоҥештен кӱзымо годым тудо кайык тӱшка дене вашлийын да кок двигательжымат эмгатен. Аэродромыш пӧртылаш ок лий, пудыргымым ончыде экипаж горючийым темыман бак дене кукуруз пасуш шинчын кертын. Бортышто улшо чыла 233 еҥ илыше кодын. Служебный порысым шуктымо годым патырлык да героизмым ончыктымылан Дамир Юсупов Российын Геройжо лӱм дене палемдалтын. Вашлиймаш 29-ше августышто 14 шагатлан Марий университетын «П» корпусыштыжо, Кремль уремысе 44-ше пӧртыштӧ лиеш.- увертара тӱвыра министерстве.
Фото: Тӱвыра министерстве.
Фото: Тӱвыра министерстве.
