Сенатор Сергей Мартынов республикыштына корным олмыктымо кӱкшӧ качествым палемден
Сенатор Сергей Мартынов республикыштына корным олмыктымо кӱкшӧ качествым палемден. «Качестван лӱдыкшыдымӧ корно» калыкле проект почеш олмыктымо корно- влакым Федераций Светыште Марий Эл деч сенатор Сергей Мартыноват терга. Парламентарий Шернур районыш миен. Тудо кок корно объектыште лийын. Мутлан, Кукнур- Лари корнын 11 меҥге утла кужытыштыжо олмыктымо паша кая. Тудым «Марий Эл Дорстрой» компаний шукта. Тиде корно Кукнур ял илемыш пурышо 253 суртышто илыше 700 утла еҥлан путырак кӱлешан. Парламентарий тыгак Казанский села деке олмыктымо корным ончен. Тушто ял озанлык предприятийла деке корно чоҥалтеш. Корно кум меҥгат 600 метр кужытыш погына. Бюджет 131 миллион теҥгем ойырен. Паша сай качестве дене жапыштыже шукталтеш.
Фото: Сергей Смирнов.
Фото: Сергей Смирнов.
