Педагогика пашаеҥ- влакын республикысе конкурсышкышт таче йодмашым налаш тӱналме

Профессионал мастарлыкым тергыме республикысе конкурс- влак тӱналыт. 10-шо март гыч 30-шо апрель марте «Талукын туныктышыжо», «Талукын воспитательже», «Марий йылмым  эн сайын туныктышо», «Шӱмем йоча- влаклан пуэм» конкурс- влак эртаралтыт. 10-шо март гыч документым налаш тӱналыт. Конкурсшо кок йыжыҥ дене эрта. Икымше йыжыҥыште 3-шо гыч 10-шо апрель марте методик семинарым эртарат, проектым, электрон портфолиом, туныктымо программым ончыктат. 27-ше гыч 30-шо апрель марте очный тергымаш- влак лийыт, урок да мероприятий, мастер- классым эртарат. 30-шо апрельыште чыла финалист- влаклан «Йыргешке ӱстел йыр» мутланымаш лиеш. Тудын почеш ныл сеҥышым палемдат. Финал таҥасымаш- влак Советский районысо школлаште лийыт. Молан манаш гын, кодшо ийысе таҥасымаште Вечын школын туныктышыжо Людмила Кукарева «Талукын туныктышыжо» лӱмым сеҥен налын ыле.

Прошлые выпуски