Региональный проект- влакым шыҥдараш вич миллиардат 400 миллион теҥгем кучылтмо

Региональный проект- влакым шыҥдараш вич миллиардат 400 миллион теҥгем кучылтмо
Республикысе региональный проект- влакым шыҥдараш вич миллиардат 400 миллион теҥгем ойырымо. Экономически вияҥмаш министерствын уверже почеш, федерал бюджет гыч кум миллиардат 700 миллионым, республикын казнаж гыч 604 миллион теҥгем колтымо. Оксан тӱҥ ужашыжым куд проектым шыҥдараш палемдыме. Мутлан, корно сетьым тӱзаташ кок миллиард теҥгем кучылтмо. Тазалыкаралтыш нерген ойлаш гын, онкологий чер дене кучедалаш 770 миллион теҥгем колтымо, икымше медико-санитар полышым пуымо системым вияҥдаш 439 миллион теҥгем кучылтмо. «Кызытсе школ» проектлан 192 миллион теҥге каен. Тиддеч посна 577 миллионым йоча шочмеке полышым пуаш, 418 миллионым ӱдырамаш- влаклан пашаверым ышташ колтымо. Миллиард утла теҥгеже моло программым шыҥдараш кучылталтын.

Прошлые выпуски