Субсидийым пуаш коммерцийдыме организаций- влакым ойырен налме конкурсым иктешлыме

Субсидийым пуаш коммерцийдыме организаций- влакым ойырен налме конкурсым иктешлыме
Марий Элыште регионысо бюджет гыч субсидийым ойыраш социал корнан коммерцийдыме организаций- влакым ойырен налме кокымшо конкурсын лектышыжым иктешлыме. Конкурс кум корно дене эртен. Тиде- патриотизм да военно-патриотизм шӱлышеш шуарыме паша, инвалид- влаклан да нунын ешыштлан полыш, калык- влакын йӱлаштым, тӱвыраштым, йылмыштым, ойыртемыштым арален кодымо, калык- влак кокласе кылым вияҥдыме корно- влак. Кажне корныжын бюджетше 200 тӱжем теҥгеш погына. Ойырен налме конкурсыш 16 йодмаш пурен. Тушечын 13-шым участвоватлаш пуртымо. «Инвалид да нунын ешыштлан социал адаптаций» номинацийыште Грантым «Ребёнок с будущим города Волжска» верысе мер организаций, Инвалид- влакын ушемышт, «Инвалид- влакын Республикысе тӱвыра-спорт реабилитаций рӱдерышт» частный тӧнеж налыт. Кокымшо корныж дене «Российын ӱдырамаш- влак ушемже», «ВийАр» тӱвыра кокласе кыл ушем, «Поколение» самырык- влакын тӱҥалтышыштлан полшышо организаций сеҥышыш лектыныт. Патриотизм шӱлышеш шуарыме корно дене «Десантник- влак ушем», Йоча да самырык- влакын «Шонанпыл» ушемышт, «Российысе военно- исторический ушем» палемдалтыныт.

Прошлые выпуски