Республикыштына туризм арня лиеш
11-ше ноябрьыште республикыштына туризм арня эрташ тӱналеш. Тиде событий республикыштына тений туризмым вияҥдыме кӱлешан иктешлымаш лиеш. Тудо уста спикер, эксперт, турбизнесын пректикше- влакым ушен шога, у проект- влакым ышташ кумылаҥда. Арнян кажне кечыжын шке концепцийже лиеш. Икымше кечыже «Йомак туризм» туризм арням почмаш лиеш, 12-шо кечын турист индустрий кече, 13-шо ноябрьыште туроператорын кечыже, 14-ше числаште «Йылме Марий Эл марте шукта» ойыртемалтше стратегий кече, 15-ше ноябрьыште бизнес-идей кече лиеш.
