Марий Элым вуйлатыше Йоча да самырык- влакын калык кокласе патриотизм слётыштын торжественный линейкышкыже миен
Марий Элым вуйлатыше Йоча да самырык- влакын калык кокласе патриотизм слётыштын торжественный линейкышкыже миен. Икымше тыгай слёт «Чодыра йомак» лагерьыште эрта. Юрий Зайцев участник- влакым Россий Федерацийын Кугыжаныш Тистыжын кечыже дене саламлаш миен. Куандара, кызыт тынар шуко самырык еҥ йӱлышо шинча дене элнан Гимнжым мура. Шерге йолташ- влак, тыланда кугу ӱшан. Уло чон дене тендам пайрем дене саламлем.- каласен тудо. Россий Президент пеленысе калык кокласе кыл шотышто советын еҥже, Российысе марий- влакын федерал калыкле тӱвыра автономийым вуйлатыше Лариса Яковлева погынышо- влакым пайрем дене саламлен да Юрий Зайцевлан калыкын ик эн йӧратыме каныме вержым арален кодымылан тауштен.
Слётын программыже йоча да самырык- влак коклаште келшымашым вияҥдыме, республикыште илыше калык- влакын тӱвыра, калык йӱла нерген шинчымашым шарымашке виктаралтын. Регионым вуйлатыше лагерьым ончен лектын, пӧлемлаште олмыктымо паша кузе кайыме дене палыме лийын. Туныктыш министр Лариса Ревуцкаян мутшо почеш лагерьыш путёвкым налаш шонышо ятыр лийын. Организаций ик сменыш 80 кугыеҥым да йоча лагерьыш 220 икшывым налын кертеш. Кеҥеж мучко 1200 йочалан каналташ йӧн уло. Кызыт йоча да самырык- влакын моштымаш дене талантыштым рашемдыме, полшымо да вияҥдыме «Волгенче» Рӱдерын корпусшым олмыктымо паша кая. Марий Элым вуйлатыше палемден: талантан самырык-еҥ- влакым поддержатлаш кӱлеш, каныме верыштым вияҥден шогыман. Вара «Чодыра йомакын» помещенийже- влакым олмыктымо шотышто посна совещанийым эртараш темлен.
Фото: Марий Элым вуйлатышын администрацийжын увер дене пашам ыштыше пӧлкаже.
Слётын программыже йоча да самырык- влак коклаште келшымашым вияҥдыме, республикыште илыше калык- влакын тӱвыра, калык йӱла нерген шинчымашым шарымашке виктаралтын. Регионым вуйлатыше лагерьым ончен лектын, пӧлемлаште олмыктымо паша кузе кайыме дене палыме лийын. Туныктыш министр Лариса Ревуцкаян мутшо почеш лагерьыш путёвкым налаш шонышо ятыр лийын. Организаций ик сменыш 80 кугыеҥым да йоча лагерьыш 220 икшывым налын кертеш. Кеҥеж мучко 1200 йочалан каналташ йӧн уло. Кызыт йоча да самырык- влакын моштымаш дене талантыштым рашемдыме, полшымо да вияҥдыме «Волгенче» Рӱдерын корпусшым олмыктымо паша кая. Марий Элым вуйлатыше палемден: талантан самырык-еҥ- влакым поддержатлаш кӱлеш, каныме верыштым вияҥден шогыман. Вара «Чодыра йомакын» помещенийже- влакым олмыктымо шотышто посна совещанийым эртараш темлен.
Фото: Марий Элым вуйлатышын администрацийжын увер дене пашам ыштыше пӧлкаже.
