Марий Элыш Российыште Монголий посольствын делегацийже толын каен

Марий Элыш Российыште Монголий посольствын делегацийже толын каен
             Марий Элыш Российыште Монголий посольствын делегацийже толын каен. Марий Эл Правительстве председательын алмаштышыже Дмитрий Троицкий Российыште Монголий Посольствын советник- посланникше да торговля представительже Хасар Данаажав дене пашаче вашлиймашым эртарен. Посольствын представительжым регионласе ял озанлык производитель- влак Ассоциацийын вуйлатышыже Сергей Архин ужатен толын. Дмитрий Троицкий Марий Эл ден Монголий коклаште оборудований ден механик устройство, шем кӱртньӧ гыч издений да фармацевтике сатум экспортироватлыме шотышто торгово- экономик кылын кушкын толмыжым палемден. Вашлийше- влак куштылго, пушеҥгым обрабатыватлыше, пищевой, перерабатыватлыше промышленностьышто да агропромышленный комплексыште кужу жаплан вашкыл шотышто планым палемденыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски