Республикыште «Куралшын кечыже» эрта
Республикыште «Куралшын кечыже» эрта. Советский районышто 9-ше июньын районысо механизатор- влакын профессионал мастарлыкыштым кажне ийын тергыме конкурс лиеш. Тений мероприятий Станислав Михайловын кресаньык-фермер озанлыкыштыже Кугорно воктене верланыше радиотелевизионный мачте шеҥгелне эрта. Куралшын кечыже 2012-шо ий годсек эртаралтеш да Советский районышто гына эртаралтмыже дене ойыртемалтеш, но уло республике гыч ял озанлык специалист- влакым кумылаҥда. Мероприятийын официальный да концерт ужашыже, куралше- влакын конкурсышт, ял озанлык техникын, оборудованийын, материалын экспозицийже лиеш. Советский раййнын механизаторжо- влак таҥасат гын, ончышо да участник семын Медведево, Куженер, Шернур, Марий Турек, Морко, Параньга, У Торъял районлан делегацийыштым ӱжмӧ. Регистраций 9 шагатлан тӱҥалеш.
Фото: Марина Дубникова / газета «Вестник района».
Фото: Марина Дубникова / газета «Вестник района».
