Республикыштына корным план деч шукырак олмыкташ шонат

                         Республикыштына корным план деч шукырак олмыкташ шонат. Корно сетьлан окса полышым пуымо нерген йодышым Правительстве пӧртыштӧ Марий Элым вуйлатыше Александр Евстифеев транспорт да корно озанлык министр Александр Герасименко дене каҥашен. Мутланымашын ик темыже февраль мучашыште Россий правительствын Марий Элысе корно- влакым олмыкташ да чоҥаш ешартыш окса лимитым ойырымо нерген распоряженийже дене кылдалтын. Республике корно пашалан 969 миллион теҥгем налеш. Сандене паша кид, проект, кучылтшаш материал, технике- пашам шукташлан чыла ямде лийшаш, манын республикым вуйлатыше. Александр Герасименко рашемден: тушечын 570 миллион теҥгеже Киров ден Строитель урем кокласе магистральым чоҥаш ойыралтын. 399 миллион теҥгеже урем-корно- влакым норматив марте шукташ кучылталтшаш. Ойырымо окса дене 20 меҥге кужыт автомобиль корным олмыкташ лиеш. План почеш чылаже тений норматив марте 196 меҥге корным тӧрлен шуктыман. Графикым ончылтен пашам ышташ шындыме задачыда шукталтеш, манын министр. Тӱшка материалын 60 процентшым налын ямдылыме. Южо предприятий- влак материалым тичмаш ситареныт. Шокшо кече толмеке нуно пашам тӱҥалаш ямде улыт. Республикым вуйлатыше пашам шуктымо годым качествылан кугу тӱткышым ойыраш кӱштен.

Прошлые выпуски