Республикыштына шӱм да вӱргорно чер ваштареш кучедалаш 76 миллион теҥгем ойырымо
Республикыштына шӱм да вӱргорно чер ваштареш кучедалаш 76 миллион теҥгем ойырымо. Тиде пашалан окса федерал бюджет гыч пуалтеш. Таче кечылан 64 миллион теҥгелан эмым кондаш кугыжаныш контракт- влакым пеҥгыдемдыме. Кодшо ийын шӱм да вӱргорно дене кылдалтше мероприятийым ныл тӱжемат 147 еҥ эртен. Тиде тӱҥ шотышто Регионысо сосудистый рӱдерыште але Волжскысо, Шернурысо, Козьмодемьянскысе сосудистый первичный пӧлкалаште эмлалт лекше- влак улыт. Черле- влаклан 66 миллион утла теҥгелан 35 тӱжем рецептым возен пуымо. Ик пациентлан колтымо препаратын кокла акше 15 тӱжемат 500 утла теҥгеш шуын. Приказ дене келшышын, шӱм да вӱргорно дене кылдалтше неле черым эртыме деч вара черле еҥ талук мучко эмым яра налеш. 2022-шо ий сентябрьыште Россий тазалыкаралтыш министерствын приказышкыже вашталтышым пуртымо: перечньыш у, пайдале кардиопрепарат- влакым пуртымо, а эмым яра ситарыме жапым кок ий марте шуйымо.
