Российысе студент шошышто Марий студент- влакын кугу сеҥымашышт
Российысе студент шошышто Марий Элын да Марий университетын ӧрыктарышын сеҥымашыже. Май мучашыште Пермь олаште «Российысе студент шошо» Россий кӱкшытан 31-ше фестивальым петырыме торжественный церемоний эртен. Тудо элысе 80 утла регион гыч кум тӱжемат 500 конкурсантым 750 тунемме тӧнеж гыч ушен. Фестивальын лауреатше лӱмым 10 усталык корно дене налыныт. Чылаже тӱжемат 500 конкурс пашам ончыктымо Марий университетын студентше- влакат лийыныт. Куштымаш корно дене нуно триумф семын пеш кугу сеҥымашыш шуыныт, икымше да кокымшо степенян лауреат лийыныт. «Цармис» куштымаш театр гыч Дмитрий Пайбулатов ден Екатерина Петрова «Тулар ден тулаче» куштымаш дене икымше верым налыныт. Калык куштымаш, соло номинацийыште Аделина Мусина «Габбар» куштымашым ончыктен да кокымшо верыш лектын.
Фото: МарГУ.
Фото: МарГУ.
