Вӱдыштӧ шкем кучен моштыман
Тений 31 еҥ вӱдыш пурен каен. МЧС виктемыште тургыжландарыше цифрым ойлат. Вӱдысо происшествий- влак ешаралт шогат. Тений 38 происшествий лийын. Тушто 31 еҥ ӱмыр лугыч лийын. Нунын кокла гыч кумытшо сентябрьыште вӱд йымаке каен. Тӱҥ амалже вӱд ӱмбалне але воктене шкем кучен моштыдымаш да тыглай правил- влакым палыдымаш,- ойлат утарыше- влак. Пуш дене пурышо- влакын утарыше жилетышт уке, игечым огыт эскере, сигнал оборудованийышт уке, адакшым подылашат огыт мондо. Статистике ончыкта: 90 процент случайыште пӧръеҥ- влак вӱд ӱмбаке подыл лектыныт.
