Шефыш наме Куйбышев районын еҥышт Марий Элым вуйлатыше Юрий Зайцев дене вашлийыныт

Шефыш наме Куйбышев районын еҥышт Марий Элым вуйлатыше Юрий Зайцев дене вашлийыныт
                Шефыш наме Куйбышев район нерген Юрий Зайцев тыге каласен: Мыланна Президент тиде паша участкым ӱшанен, те мемнан полышлан пеҥгыдын эҥертен кертыда. Марий Элыш паша дене Куйбышев округысо депутат- влак погынымашын депутатышт да Запорожский областьысе Самырык- влак парламентын  еҥышт толыныт. Теҥгече Россий ден ушнышо регионын еҥышт Марий Элым вуйлатыше Юрий Зайцев дене вашлийыныт. Куйбышев район дене ме кок ий кылым кучена. Улшо ойпидыш- влак деч посна нунын деке у темлымаш- влакат улыт. Проблеман йодыш- влак дене полшаш налме обязательствына шуктен шогымо деч эше кумдарак. Президент мыланна тиде участкым ӱшанен, те мемнан полышлан тӱрысынек эҥертен кертыда,- каласен Юрий Зайцев.  Вашлиймашыште Марий Элым вуйлатышылан Куйбышев районышто лӱйкалымылан кӧра йоча садын ужашыже шаланыме нерген увертареныт. Эмганыше але колышо уке. Республикым вуйлатыше объектым тӧрлымӧ пашам организоватлаш кӱштен. Марий Эл шефыш налме кундемлан 2023-шо ий годсек полша. Республикым вуйлатыше шкежат Запорожский областьыш миен. Тусо калыклан эре гуманитар полыш, коммунал технике колталтеш, олмыктымо паша шукталтеш. Делегаций Марий Элыш икмыняр кечылан толын. Уна- влаклан рӱдӧ олам гына огыл, районлаште тӱҥ объектлам: школым, храмым, тоштерым, тӱвыра пӧрт ден спорт комплекслам ончыктымо. Тидыже нунылам опытым налаш да умбакыже кылым пеҥгыдемдаш полша.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски