Шинчам эмлыме оборудованийым налаш оксам ойырымо

                  Марий Элым вуйлатыше у офтальмологий оборудованийым налаш оксам ойырен. Александр Евстифеев Республикысе клинический эмлыме верын Григорьев лӱмеш офтальмологий эмлыме вержым медицина оборудований дене пойдараш шым миллионат 800 тӱжем теҥгем ойырымо нерген распоряжениеш кидпалыжым пыштен. Тиде шийвундо дене катарактым кораҥдыме операций годым кучылтмо системым да офтальмологий лазерым налаш палемдыме. Кӱкшӧ технологиян оборудований шинчам эмлымаште квалификациян полышым пуаш йӧным ышта. Республикыште тыгак шинчан сетчаткыжын черланымаш шукемын. Тудо кызытсе жаплан келшыше операцийым йодеш.

Прошлые выпуски