Строитель ден Машиностроитель уремлан корнывожшым уэмдымаш вуча

              Йошкар-Оласе Строитель ден Машиностроитель уремлан корнывожшым уэмдымаш вуча. Ола мэрын алмаштышыже Лев Покровский социал вотышто машинан коштмо схемым вашталтыме нерген шке шонымашыжым каласен. Тудын мутшо почеш, тушто машинан шуко погынымыжын амалже теве мо дене кылдалтын: пурлашкыла савырнаш ямдылалтше автомобиль- влак йолешке- влакын корно гоч вончымыштым вучымышт годым моло транспортлан тура кудалаш чаракым ыштат. Йолешкылан посна фазым ыштымаш ситуацийым нелемда гына манеш тудо. Сандене пурлаш савырныме полоса- влакым ышташ палемдыме. Тидыже машиналан чыла могырышкат каяш светофор фазым вашталташ йӧным пуа.

Прошлые выпуски