«Сеҥымашын волонтёржо- влак» кажне кечын ешаралтыт
«Сеҥымашын волонтёржо- влак» кажне кечын ешаралтыт. Молан манаш гын, мемнан элыште ура чоҥан еҥ-влак шагалын огытыл, нуно историйым шарнаш., ветеран да лишыл еҥ-влаклан полшаш кумылан улыт. «Сеҥымашын волонтёржо- влак» Российысе мер толкынын порталыштыже Марий Эл гыч 104 доброволец регистрацийым эртен. Кугу Сеҥымашлан 75 ий теммым палемдаш ямдылалтме шотышто Марий Элыште волонтёр- влак дене пашам виктарыме пашаче группым ыштыме. Март гыч июнь марте волонтёр- влаклан кум корно дене тунеммашым эртарат. Тиде добровольчестве нерген тӱшка шинчымаш, историй блок да функционал тунеммаш. Кугу событийын ужашыже лияш шонышо доброволец- влак тений идалык мучко шарнымаш да патриот мероприятий- влакым эртараш полшаш тӱҥалыт. Мероприятийлашке регистраций «Добро.РУ» портылште эрта. Волонтёр- влак ветеран-шамычым вашлияш да ужаташ, акций- влак нерген увертараш, шествийлашке колонным виктараш тӱҥалыт. Нуно «Шарнымаш сад», «Шарнымаш вахта», «Шарнымаш сорта», «Георгиевский тасма», «Обелиск дек корно» акцийлаште участвоватлат.
