«Тӱвыра» калыкле проектлан кӧра Марий Элыште 56 тӱвыра тӧнежым пужен ыштыме

«Тӱвыра» калыкле проектлан кӧра Марий Элыште 56 тӱвыра тӧнежым пужен ыштыме
           «Тӱвыра» калыкле проектлан кӧра Марий Элыште 56 тӱвыра тӧнежым пужен ыштыме, уэмдыме да технике дене пойдарыме. Тиде проектым шыҥдараш тӱҥалме деч вара ялласе 19 тӱвыра пӧртым, кок муниципал тоштерым, 6 йоча сымыктыш школым олмыктымо, 11 модельный книгагудым ыштыме. Тиддеч посна 6 муниципал тоштерым технически пойдарыме, 12 йоча сымыктыш школыш семӱзгарым, оборудованийым да тунемме литераурым налме. «Тӱвыра» калыкле проектым шыҥдарыме иктешлымашым Россий Правительстве вуйлатышын алмаштышыже Татьяна Голикован эртарыме совещанийыште канашыме. Видеоконференцкыл йӧн дене эртыше совещанийыште Марий Элым вуйлатыше Юрий Зайцев лийын. Тений проектын мероприятийже- влаклан федерал, республикысе да верысе бюджетла гыч 684 миллион теҥгем ойырымо. Тушечын 563 миллионжо- федерал казна гыч. Марий Эл калыкле проектым шыҥдарыме дене ончылно кая. Кызыт мемнан задачына- декабрь мучаш марте объектлам сдатлаш да палемдыме мероприятий- влакым мучашлаш- каласен Юрий Зайцев.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски