Таче 21-ше номеран школышто «Кушмо точка» рӱдер почылтын
Таче 21-ше номеран школышто «Кушмо точка» рӱдер почылтын. «Туныктыш» калыкле проектын «Кызытсе школ» федерал проектше кышкарыште Семёновка селаште естественно-научный корно дене рӱдер пашам ышташ тӱҥалын. Рӱдерым почмаште Ола мэрын алмаштышыже Антон Пугачёв лийын. Тудо йоча-влакын ончыкылыкыштлан рӱдерын кӱлешлыкшым палемден. Молан манаш гын, рӱдерыште кучылтмо туныктымо программе- влак йоча –шамычын шке моштымаш ден талантыштым вияҥдаш полшат. Образований виктемым вуйлатышын сомылжым шуктышо Владимир Никандров ден Антон Пугачёв кызытсе класс- влакым ончен лектыныт, оборудований дене пойдарымым, йӧнан улмыштым тергеныт. А тунемше- влак шке проектыштым, нине класслаште ыштыме паша лектышыштым ончыктеныт.
Фото: Йошкар-Ола администраций.
Фото: Йошкар-Ола администраций.
