Таче кече гыч ола гыч лекмаште автомобильым поген налын кертыт

Таче кече гыч ола гыч лекмаште автомобильым поген  налын кертыт
             Таче кече гыч ола гыч лекмаште автомобильым поген  налын кертыт. Российысе корнылаште автомобилист- влакым тӱткын тергаш тӱҥалыт. Кугыжаныш автоинспекций суд пристав да налог службын еҥышт дене пырля ола гыч лекмаште рейд- влакым эртарат. Операцийын тӱҥ цельже- парыман водитель- влакым рашемдымаш. Нунын коклаште ЖКХ, кредит але алимент шотышто парыман- влак гына огыл, корно правилым пудыртымылан штрафым тӱлыдымӧ автомобилист- влакат улыт. Нуным рашемдаш лӱмын ыштыме аппарат комплекс кучылталтеш. Тудо эртен кудалше чыла машинан номержым сканироватла. Парыманым пален налмеке инспекторлан сигналым пуа. Тудыж машинам лишыл постыштак чара. Водительлан вигак верыштак парымым тӱлаш йӧным пуат. Тореш лиеш гын, автомобильым поген налыт да штрафстоянкыш колтат. Машинам парымым да аралымылан акым тӱлымеке гына пӧртылташ лиеш. Южо регионышто тыгай мерым кучылтмо. Астрахан областьыште коммунал полышлан тӱлыдымлан пӧръеҥын Ниссанжым поген налыныт. Тюмень областьыште ӱдырамаш скоростьым кугемдымылан погымо штрафшым тӱлыдымжлан машина деч посна кодын. Тыгай ынже лий манын парым ден штрафым шке жапыштыже тӱлыман.
            Фото: progorod62.ru

Прошлые выпуски